Levve - Yasamak testo

D'r Wind em Land he blös jetz häder
Ali kumm:
Röck an mich ran
Ich sin die Rune, hör' die Wöder
Ali kumm,
Röck an mich ran
Die lang allt dudjejläuv
die tredde op zuhäuf
un tingele röm als Rattefänger jetz
Du säs: Ne Minsch es doch kein Ratt
Ali dat han mer jehat
Dat kenn´ ich doch: Die ahle, neue Hetz.
Se künne noch nit wie se welle
Ali kumm,
Jev meer ding Hand
Noch dun se Jeld un Stemme zälle
Ali kumm,
Jev meer ding Hand
Jetz jeit hä op, dä Some
Vill, die ze koot he kome
di jon dä Häre ens widder op d'r Liem
Ich sag' dä Schuß es froochbar noch
us dem dat domols kroch
D´r Sündebock, dä solls du diesmol sin
Ävver Ali, mer han doch uns're Draum
Mer wolle levve, frei un stark wie 'ne Baum
Ävver Ali, mer han doch uns're Draum
Die falsche Tön, dä dütsche Dudedanz
Ali, loß mich nit allein
Dä ahle Spok, dä brunge Ratteschwanz
Ali, loß mich nit allein
Denn wenn se dich beim Froß eesch han
kumme all die and're dran
Schwule, Demokrate, Linke un och ich
Doch wenn mer all zesammeston,
dann weed ehr Rechnung nit opjon.
Uns Land es jot, Ali, för dich und mich
Ävver Ali, mer han doch uns're Draum
Mer wolle levve, frei un stark wie 'ne Baum
Ävver Ali, mer han doch uns're Draum