Weischwieniemeine testo

eis .. eis eis zwöi drü vier
wie geits wie steits?
mou merci es mues
mir wei nit chlage
gäu was wosch
me het ja nit d wähli
ja nu guet ebbe gäu
item wemme dängt
im änd effäkt was söus
weisch wie ni meine?
jä nuso denn gäu es chunnt wies mues
u chli spatzig het me ging
und es isch sträng gseit
ja würklich o ned ring
i meine
eine am abe würd itz vilicht chlage
guet ala bon eur siggs halt eso
aber äbbe gäu was wosch
weisch wie ni meine?
es gheit mau so u mau so
mau ufe u mau abe
mau füre u mau zrügg
es isch nit dr red wärt
was söu me do no säge es isch gäng wie gäng
es chömme de scho gäng wider anderi zyte
i meine gäu
du weisch ja wie's isch
auso denn merci gäu
mach nümm z'lang
seisch e gruess dehei
und bis es angersmau
irgendwie gseht me sich de scho
i meine d'wäut isch ja chli
numme no schnäu wäge vori
has de nit so gmeint
aber ebbe gäu was wosch
me seit emu vieu dr lieb lang dag
weisch wie ni meine?