Jraaduss testo

Manchmohl sitz ich he römm
un ich frooch mich woröm
et su kumme moot, wie et kohm,
wie et jetz ess,
un ich saach mer, dat et irjendwo
wiggerjonn muss - jraaduss.
Noch hängk ding Bild ahn der Wand
un mäht mich rejelrecht krank.
Ich hann dich Stemm noch im Uhr
un ich frore mich nur,
ob dat alles nix wohr
en dä letzte paar Johr - met dir.
Bliev do, wo de bess.
Halt dich irjendwo fess.
Un bliev su wie du woors:
jraaduss.
Avv un zo merk ich dann,
wie joot et dunn kann,
wenn mer Luftschlösser bau
un op Zofäll vertraut,
janix mieh plant,
op janix mieh waat - nur su.
Dann weet alles verdrängk,
weil sons nix mieh jet bringk,
weil sons himmelblau grau weet
un mir alles zovill weet,
weil en jedem Jedanke
dat Bild vun dir steck - jank weg.
Bliev do, wo de bess.
Halt dich irjendwo fess.
Un bliev su wie du woors:
jraaduss.
Et woor schön, et woor joot,
ahm Engk e bessje ze koot,
dausend un ein Naach,
wo Donner un Blitz kraach,
ne Film ohne Schluß,
wo nix ess wie et muss - jraaduss.
Ey denk ens aff un zo daran,
ahn dat wat mer noch hann,
wat uns keiner mieh nemmp,
weil et woor ess un stemmp,
ahn dat Stöck "Ich" vun dir
un dat Stöck "Do" vun mir - jraaduss.
Bliev do, wo de bess.
Halt dich irjendwo fess.
Un bliev su wie du woors:
jraaduss.
Bliev do, wo de bess.
Halt dich irjendwo fess.
Un bliev su wie du woors:
jraaduss.
Bliev do, wo de bess.
Halt dich irjendwo fess.
Un bliev su wie du woors:
jraaduss.