Ventanas testo

veent de segunda risma,
svolza la föja ferma...
veent a cavàll de l'unda
ogni pees lassa che'l funda...

sbroja tüta la matassa,
quajcoss ciàpa quajcoss làssa...
tira tira drizz el fiil
e pö làssa che'l se rillàssa...

vento, veent, veent cunt'el pàss balòss
quell che vöri mea tirum via de dòss
slàrga el fiaa e bùfa in giir i stell,
lassa el to' disegn in sö la mia pell...

tirum via la smàgia
della mia pagüüra
e scancela el pass
de quaand che gira l'ura...

ciàpa i mè suspiir
e dàmm indree i suriis
basa la muntagna
cunt i cavej griis....

neta la mia fàcia
neta la mia umbrìa
fàmm una carèzza
prèma de nà via

neta la mia fàcia
neta la mia umbrìa
fàmm una carèzza
prèma de nà via....

ventaa-anas
ventaa-anas
ventaa-anas
ventaa-anas